Khawaab bhi dekhta hu
armaan bhi sajata hu
banda hu.. koi machine nahi
apni feellings aur emotions daba leta hu.. chupa bhi leta hu
per ye bhi time based hai.. koi evergreen nhi

mere pocket mai rakhe huye paiso se,
meri kaabiliyat ko aankna band kar do
mai konse brand ke kapde pehenta hu, konsa mobile chalata hu
isse meri aukaat ko naapna band kar do

meri har baat ko, mere status se tola jaata hai
branded use karu to dikhawa, or local mai kyu judge kiya jaata hai

mere koi bhi kaam se pehle,
kyu log hi beech mai aate hai
log kya kahenge, log kya kahenge
log hi logo se daraate hai

ek baar fail ho jao, to fir kabhi try mat karna
papa se paiso ko, aur kitna kharaab karoge
fir se fail hi hoge, tumse kuch bhi nhi hoga
tumhe kuch nhi aata, tum kya hi kar sakoge

WOWWWW!!!

Ab ye “log” bateyenge, mera career, mera passion, meri hobby kya honi chahiye
fir ye bhi bata do na, kaunsi naukri karu, aur kitni salary honi chahiye

logo ko nhi pasand, to kya mai apne sapno ko tod du ??
If I am unable to fly now, to kya mai chalna bhi chodh du ??

mere saath jo bhi hoga, mai dekh lunga na
agar tootega khwaab mera, to mai samet lunga na

support nahi kar sakte.. theek hai !!
kam se kam tokna band kar do..
opportunities bohot hai !!!
ab mujhe rokna band kar do

hum chaahe kuch bhi kare,
ye log kabhi karne nhi denge
aage badhe, to badhne nhi denge
aur badh gaye, to tikne nhi denge

fir har point pe, har topic pe
khud ko impose karte hai
humaare kuch naya try karne per
puraani galtiya expose karte hai

mere har action pe, reaction dete hai,
sirf khud ke attention ke liye
mujhe har baat pe dominate karte hai
apne satisfaction ke liye

mai sunta hu aapki, majboor nhi hu
apne iraado se peeche mai nhi hatunga
aap raho na khush apni life mai, mujhe bhi rehene do
aap tareeko se mai nahi chalunga

achha lagega, agar koi support kare
saath mai udenge maze karenge..
yun kab tak doob kar sochte rahenge..
log kya kahenge
log kya kahenge